aggiornato il
2 Giu 2009

Dolfo ad Cesena

manda una letra ma Dolfo



Da: E lavor de pisirel


Spugneta e ciocia
l'è do ori ormai
ch'la s'dà d'atond
mo a que u n's'ved propi un caz
a sper ch'u n'sipa mort
nench's'u n'è un bel avdéi
vut ch'e' sipa pr e' mel
l'è e' dispiaséi.

Ormai saran due ore / che smanetta / e più ci dà / più non si vede un cazzo / spero che non sia morto / anche se non è proprio un bel vedere / non tanto per il male / è il dispiacere.




A so a que ch'a vengh da te
a n'e' so gnenca e' parché
che s'e' fos sol par ciavè
avreb mench da tribulè.

Sono qui e vengo da te / e non so neanche il perché / fosse solo per scopare / avrei meno da soffrire.




A s'sam truve a ciavè tot tri int un let
però u n'è un gran bel quel
che int e' pió bel
ch'a i lichiva la figa
e a la santiva zà a strimulè i dint...
u m'l'à cazè int e'cul.
Senza dì gnint!

Ci siam trovati a far l'amore in tre / però non posso dire sia un gran che / che sul più bello / che ci davo dentro / e le sue urla arrivavano al soffitto / me l'ha messo nel culo! / Zitto, zitto.




La è dura ció a stè só quand l'è matena
s't'é d'andè a lavurè par la pagnota
e po quand l'è nota
t'sté sveg parchè t'ai pins
e u t'fa incazè cme un ber
Ah! Puté fè e' lavor de' pisirel
'na volta d'ogni tent
e gnenca una masa
e po pr e' rest a fè vita da grel!

E' dura risvegliarsi la mattina / quando si deve andare a lavorare / e poi la notte / star svegli lì a pensarci / e a ripensarci / e t'arrabbi come un cane / Oh! Poter fare quello che fa il cazzo / che ci dà un po' ogni tanto / e così sia / e poi sta lì / senza mai fare un cazzo.




L'è 'rivat la primavera
a j ò a qué un usel ch'u m' tira
ch'um pè e' sia 'na ciminiera.

Bentornata primavera / ho qui un cazzo che mi tira / che mi par 'na ciminiera.




A j ò la penza
ona maleta ch'la m'ariva al znoci
i cavel ch'i s'n'invà
cum e' fa al foji
quand e' cminza a sufjì da e' malcanton
e' cambia e' temp
e u m'fa mel la gamba
a j ò nenca un pranzipi ad fardason...
Mo e' basta un pel ad figa
e a n'so pió me
enzi a so me
a n'so pió quest che que!
U m's'indreza la schina
(e e' pisirel)
e a vagh
ch'à so pió svelt d'un buratel.

I miei capelli son / come le foglie / quando dal nord / s'appresta il temporale / e ho la pancia / e lo scroto che mi sfugge / se cambia il tempo / la gamba mi fa male / e incomincio anche a sentirmi il raffreddore... / Ma basta un pel di fica / ed io non son più io / anzi son io / non son quello di prima / si raddrizza la schiena / (è una scintilla!) / e vado più veloce di un'anguilla.




Triathlon
Piron l'è andè in pinsion e u s'è dè a e' sport
ades par lo u j è sol la bicicleta.
Prema e fa e' pin a e' bar
e po pr e' fresch u s'bota zo a marena
u s'ferma quand e' ved la prema troja
pr un po ad ricreazion.
Fal te s'tci bon! Po monta in bicicleta.
Quand l'è mez dé la meza
l'è za 'rivat lé da la su murosa,
cla vedva che la sta là 'ddria a Cas-cion.
E zo bei, magne, ciavè...
Ch'l'è po sempra caplet e pasta verda!
Roba pesenta.
U s'fa un suntin e quand ch'u s'è arpunsè
u s'ven a ca, cun tot al su farmedi.
Al zenq l'è za int e' bar ch'e' fa e' sburon.
- Be mo ad sport ch'l'è? - t'diré.
Lo e' dis ch'l'è e' triatlon.

Triatlon
Piero è in pensione e s'è dato allo sport / ora per lui c'è solo bicicletta. / Prima fa il pieno al bar / poi quando è ancora fresca la mattina / si butta alla marina. / Alla prima puttana / si ferma un poco / è la ricreazione / Prova a farlo anche tu / se sei un campione / poi corri in bicicletta! / A mezzogiorno è dalla fidanzata / la vedova / che sta là a Castiglione. / E giù bere, mangiare e tutto il resto... / e sono cappelletti e pasta verde! / Roba pesante. / Un sonnellino / e via che viene a casa / ma piano, piano / con tranquillità / E poi alle cinque tu lo trovi là / al bar dov'è partito / che fa il galletto nei pressi del bancone. / - Ma questo non è sport! - tu mi dirai. / Lui invece dice sì / che è il triatlone.




Da: I nomar de' lot dal ca populeri







56


E’ Cinema (56) e’ fa zinquentasia.
Nun andami da Gisto, dria e’ Pont nov (23), d’Isteda (32), cun tot al Steli (4) de’ zil sora a la testa, che a guardeli pó l’era mei de’ Cinema (65). Du che una Bionda (56), cun al Calzeti zali (56), e un Capel gris (56), fat ch’e’ pareva d’avdéi ’na Merda ad vaca (56); e un Biond (56) cun la Divisa (63). Un Duganir (56). Che cun la scusa d’un Bigliet de’ tram (56) e’ prova d’Imbruchela (56), e la i va ben, che dop pó lia la i Dmanda da Fumé (56). Robi che sol a e’ cinema al Suzed (59). Che a me, cun l’Oc cativ (56), la m’avreb det “Va là. Va via brot Gnescul (56)! Va a Plè di usel (56) a là cun i Zulù (56)!”. Che pó a n’sò gnenca un Diescan pituré (56), e in Frenza (56) a putreb Fè la mi figura (4). Ch’a n’ò miga la Poza (56) d’una fogna, o l’Usel circuncis (56) cum j à j Ebrei (43), e gnenca i Cavel (55) unt ad Margherina (56). Va là, Guardem (33) e’ cinema ch’l’è Mei (37), se no a m’Invlen (56) e’ Sangv (18). U s’ved ’na fila ad Pelmi (56), dal Muntagni (56), pó una Masa d’usel (77), ch’l’è Faraoni (56), e pó di Oman ch’i béi (56). Tot cun la faza da Meridionel (56). E lia, ch’la è quela ad prema, ch’la va, ch’la Cor (39), la Rozla (56), cmé ’na Cavala mata (56). E pó di dria u s’ved tot un Inzendi (56)... L’è un Deposit (56) ch’e’ Brusa (30), cun un Bancon da sert (56), dla Roba vecia (80), dal Gheibi d’animeli (56)... E lo, l’Eroe (56), in du èl? Ah! Lo. L’à fat un Sbai (56). I l’à Imbruì (56). L’è lè cun un malè, a lè ch’u l’Beda (56), cun un Catar (56), ch’u s’sint ch’l’è par Murì (14). E pó, a lè cun e’ mort u s’ved un Frè (56) ch’e’ Paciuga (88). U i Darà l’oli sent (56)? Mo e’ lo, csa fal a lè? L’è un Incusient (56). Che lia la è là ch’la cor e la è Indifesa (56). Però pó e’ fines ben che ch’e’ Cativ (61), l’armenza Tinch (80) ch’u l’Ciapa ’na saeta (56), e lou i met só Fameia e j è felici (56). Sti Cinema (65) d’Incua (16) j è tot Precis (83).




77


E’ Dieval (77), stentaset.
Brot (2). Stort (77). La Testa d’animeli (77). Nes taié (77). Un Fié (77) ch’u t’Invurnes (77). Se no un Bel (6) Zovan (57) Caluros (77). E’ Capot rot (77). La Berba ch’la è da fè (77). O un Prit de’ semineri (77), cun la Cerga (77) ch’u s’Intona al mudandi (77), e un gran udor d’Arost ‘d baghen (77) in zir. La Luserta macoda (77). Un brench d’Usel tot Nir (77). Dal volti u s’ved cmé un Cutaden ch’e’ sapa (77), d’là de’ Canzel (77) d’un Campsent ch’l’è cius (77). Se ta t’Avsen (64) e’ guenta un Brench ’d furmighi (77) o un Cadevar schifos, andè da mel (77). L’è Un ch’l’à schiv di boch (77). ’Na Dona a lè int e’ ces (77), a la tualet, dop ch’la à Finì ad magné (77). Ch’la Ciud la porta (77), mo prema la s’Fa avdéi (77). Un cun e’ Vstì da megh (77). La Bela figa (6) ch’u j era a là a la Festa (77), cla Sereda (77), cun chi gran Tach (77), ch’la t’s’è Tacheda ’dos (77). E t’é Balè (3) fin a Ingranchit i pia (77), e pó t’ci armast a lè cmé un Campanaz (77). Un Vstì da cumadè (77). Cumé t’al vì t’al vì. Che l’epa al Corni (77) o no. Sempra Cativ (61) cmé un Inquilen cativ (77), o e’ Ramatisum (77) quand ch’u t’ciapa d’ad bon. L’è inotil dì ch’u ngn’è. L’è int la tu Testa (55). Calè (42) int e’ Fond (26), sota l’Impalcadura (77). A lè Masé (40 ) int e’ Scur (36) tra i Sembul (38) dl’Alchimia (77). Cmé un’Isola int e’ mer (77). Pó e’ Monta (69) e ta n’t’un dé. E u t’fa ‘vnì voia ad ‘Mazè cun un baston (77) quii ch’i Fa de’ casen (77). Sciazèi cmé di pignul (77). L’è la Superbia (77) d’un Cunsult d’avuchet (77). I Soci quand ch’i ragna (77), un Ragnadez ‘d puteni (77). U t’dis ad Taiet al veni (77) inveci ad Fet la berba (85). U t’dis Acsé o acsé (77) u ngn’è etar mod. Tisterd (77)! Che se t’ai Guerd (33) pó t’Vì (7) che un etar mod u j è. U s’Atrova (21) sempra. L’è cmé un Ases (77) ch’e’ Cova (90). Incua u t’fa Vinz un teran (77), o u t’Fa la grezia (77) ad Spusè cla tua amiga (77), ch’la j è Blina (21). E pó e’ de’ dop selt pr eria, cmé Nitroglicerina (77).



79


La fen de' mond (79) la segna stentanov.
A sem in chev (25), a e' zir de' Dvanadur (79). Daventi (64) a nun u s'Arvés (23) sol l'Abes (89, e nun a sam in chev, ormai int l'Urel (76). E' basta un gnint: Vutè (79) par ch'l'Imbezel (66), Ciud e' cumò (79) trop fort, Alzè la vosa (79), un dé a No ès puntueli (79), o 'Zend (32) la Machineta (79) par Fè lusa (7)... e a s'Aruzlém (56) d'in zó senza a Farmès (85). la Porta la è bruseda (79) la n'tin piò, e e' Dieval trasfurmè (79) cumé un gran Dregh (34) e' Calarà (42) da e' Zil(3). E pó, cun e' su Fiè (77), e' darà fugh (56) a tota l'Atmosfera (79). In cla Lusa (39)Ireela (79), la Bes-cia ch'la durmiva (79) sota a tera, la Avnirà só (69), cun un gran Fié (59) 'd Scurezi (83), e un Rumor (84) cumé ch'e' fos 'd Mitraglia (79). E quela ch'la s'Maseva (85) sota a e' Mer (1) la darà só enca lia, par no ès d'ad mench. Cun di Rog (79), cmé se tot i Lop (15) de' Mond (90), i fos d'acord par Saluté (35) la Luna (6). E e' mer, Nir (22) cmé un padlon (66) e' Farzarà (86) cumé un Farzai ad pateti (79). E alora un bastarà piò l'Esorcesta (79), i Boch in Benca (79) o al Mudandi 'd seda (70). U s'Cuiarà (45) cumé u s'pò coi dal Zrisi (79) e e' Sburarà (79) quand ch'u s'putrà Imbudlé cmé murtadela (79). e nun tot Zet (79) cmé un Brench d'caval (79), inveci, Andam aventi (79).



83
Utentatré, la Scureza (83).
Cumé e’ S-cioch (69) d’una Pegna (83), int e’ Silenzi (90). A la Mesa (26), la Nota de’ Nadel (25). Ciou! La i scapet ad bota, a l’Impruvisa (89), int e’ moment che e’ Prit (40) l’alzeva l’Os-cia (60) e lo u s’Miteva in znoc (90). I s’Vultet (24) tot. Intent che lo, Cunfus (3), e’ Maseva (85) la faza, par no vdéi, int un Fazulet sporch (83). Un Atum (25), e pó u la Tiret só (80). E u s’ vultet nenca lo. A n’voi Ciamel par nom (83) mo l’è Cnusù (48). L’Esest (83). E l’è un Fat vera (77). Ch’a i s’era nenca me. Utentatré, la Carogna (83); Quel ch’u ngn’e n’è di pez (83); Ciucì dl’uva (83); e’ Dzun stret (83); la pora Persa (83); e’ Mulinel ad vent (83), ch’i l’cema enca e’ Fulet (83); Pisì int e’ mur (83), ch’u l’fa Quel ch’e’ lavora in biblioteca (83). Che un dé l’è Guantè mat (83), Senza sperenza (83), e l’à decis ’d Spuses (83) nench da par lo. Utentarì, ’Fughès, però sol int e’ mer (83). Utentatré, Lurdès (83), e nench Lurdè (83). Utentatré, e’ Sbuchè (83), quel ch’a sò me.



90


Nuventa, la Paura (90),
e po’ e’ Curag (90). L’Oman (90) e Dio (90), e nench Gratès e’ cul (90).






Tango





I

Fora pirs int la nebia
l’è nuvembar
ad dentar a s’atruvem
par balè e’ tango
u i vó dl’urecia
stè ’tenti a e’ pas
che l’à da l’es sicur int al figuri
cun int e’ nes
l’udor di su cavel
ch’u t’va a la testa...

intent che e’ mond
ad fora
cun nun o senza ad nun
e’ và in arvena.

II

Ad furmighed
sta sera u ngn’è
gnenca e’ post
par balè
pr i balaren
ch’i è tot scrichì
ch’i pesta in cal do predi…
che sia l’orchestra?
la cantenta breva?
che sia che ad fora e' bofa
e u j è la bura?…


III

I bar ch’i è int al stazion
viti strusciidi
i albirgh
quii ch’i à int i mur
cherti fiuredi
e la musica
la musica de’ tango
e i viaz
ch’i è i viaz a svuit
di viazadur.


IV

Pitnès…
’Tenti a no spurchè al scherpi…
Ad poza ad pes
che ven só da cla turca…
’Venti int e’ scur
pien
cun al men aventi…
La musica
Dagli ombri
Adiós muchachos...
... e lia ch’la è là
d’insdéi
a la vegh a scor
¿Será mujer o junco…
quand ch’la bala?
A veces me pregunto si no será mi sombra
y, como yo, se muere, por bailar!


V

Dop ’vé balè
a sam andè a ca sua
e apena entreda
lia la va int e’ bagn
me a m’infil int la cambra
a m’spoi nud ned
al gambi in crosa
in sdei
int e’ mez de’ let
...
-Guerda st’a m’vu a sò ’csé
e st’a n’um vù di ’d no!-
...
-Me a t’voi Mazini
nenca st’a n’ci un gran che
e a t’avreb vlù d’istes
nench pez d’acsé.
Parché te t’ci ’csé brev
quand ch’t’bal e’ tango-


VI

Fora dla porta
cun è nes int e’ vedar
a guerd i balaren
senza la musica
a incavales
int i zir de’ tango.
...
corrida
garabito
media luna...

J oc cius
la men a lè
in du ch’l’incminza e’ stì
sota a la schina nuda
al gambi al s’piga
al s’stresa int al figuri
dal volti e pè ch’al vaga
da par sé

e me ch’u m'ciapa
un cheld
ch’u m’va al testa
ch’a sud
puzè
contra e’ vedar giazé.


VII

Quand t’cminz
a guardè al mami
piò dal fioli
l’è segn che te finì
che ormai t’ci vec.




Per aggiungere o modificare i contenuti cliccare sul pulsante "accesso" in basso a destra, scegliere il proprio nome e digitare la password, seguire le istruzioni a video. (Eliminare il messaggio dopo la lettura)
iziunérie
od ad dì

oesie
acùnt
ìbre

utori vari
òza
ucugian
olfo
ttore
igìn
é Pózz
olari
ietro/Mino
ulinèra
abadén
vàn

licca!!!

per CONTATTARCI:

e-mail form EXPINA.it è un servizio
Il vostro indirizzo IP è 52.205.218.160 State utilizzando claudebot.